English

Instan Mesejing

Instan mesejing (IM) i alaoem yu blong jat long intenet semak olsem we yu sendem ol mobael fon teks ol mesej. Advans sistem i alaoem webkam mo vois komunikesen. Ol mein sistem olsem: Fesbuk Mesenja, Windo Liv Mesenja (fomeli MSN) mo Yahoo! Meseja  Instan mesejing i gud tumas blong stap link wetem ol fren be olsem imel, i gat samfala risk.

Ol risk

  • Ol pipol we oli stap onlaen maet oli no ol man we oli tokbaot olgeta mo yu tingse olgeta oli olsem ia nao.
  • Oli spae mo harem ol konvesesen blong yu. I nogat praevesi from ol konvesesen oli no koded mo oli save sefem blong yusum.
  • IM softwe maet i save kasem vaeres o narafala atak.
  • Ol Onlaen jat rum – save aksesem long instan mesejing – i save stap long ol ples we oli no stret.

Yus instan mesejing long wan sef wei

  • Yu neva givimaot paswod, kredit kad infomesen o narafala praevet data.
  • Blok strenja. Sapos softwe blong yu i alaoem, setemap sistem blong mekemse ol man nomo we yu alaoem long list blong yu oli save kontaktem yu.
  • Yu mas wori long we yu givimaot infomesen blong yu long wan strenja we yu mitim long instan mesej. Iven ol stret infomesen olsem nem blong bos blong yu ol man blong frod oli save yusum agesem yu.
  • Yu neve klik long ol links we yu risivim tru long instan mesej long olgeta we yu no save mo yu neva mitim olgeta long ril laef.
  • Yu livim Onlaen profael blong yu blank, o entramem ol mekap data taem yu mas entarem data blong yusum sistem.
  • Yu no yusum sistem o imel paswod blong log i go long wan IM sistem.
  • IM hem i no koded, from olsem yu no yusum blong tranmitim infomesen olsem kredit kad o ol narafala sensitiv infomesen.
  • Yu stopem ol otomatik daonlod.
  • Yu verifaem ol infomesen we yu risivim long IM. Espesali, jekem eni sekuriti ‘advaes’ we yu kasem.
  • Kipim IM softwe blong yu oli apdet.
  • No letem ol pikinini oli yusum ol instan mesej jat rum.