English

Blogging

Wan blog, hem i sotfala wod blong web log, hem i wan websaet we oli stap apdeitem wetem ol niufala post, i semak olsem wan daeri. Ol sevis olsem Bloga, WodPres mo MSN speis oli mekem i isi blong ol praevet man mo kampani oli setemap ol blog blong olgeta.

Ol risk

  • Ol ditel blong yu maet oli faenem, nating sapos yu blog anda  long wan nem, o wan sekret nem.
  • Maet bihaen bae yu tingting mo sori long wan samting we yu bin blog long hem. Eksampol, maet yu lusum job blong yu o yu mekem nogud long wan inteviu from ol post we yu sem from, o yu mekem wan fren, famle memba o wan we yu laekem i harem nogud.
  • Ol Blog ol stap anda long libel loa. Taem yu postem wan samting we i no tru abaot wan man o wan oganaesesen bae yu save kasem ol nogud penalti
  • Tingbaot – wanem yu postem onlaen ol taem bae i stap onlaen…wan samting we yu postem i stap long pablik domein mo oli save aksesem oltaem. Nating sipos yu wantem tekemaot post ia, ating samfala oli haedem long wan sej enjin o intenet akaev long wan seva blong wan kampani.
  • Ating yu ting se yu gat wan smol grup nomo oli aksesem blog blong yu, be ol blog ia oli kam pablik mo i isi blong ol pipol oli faenem infomesen long olgeta taem oli go long sej enjin.
  • Wan ‘Komen’ fija we i stap long fulap blog we ol spama oli save misyusum mo go long ol link long ol websaet we oli stap promotem, ol saiba-kriminal wetem ol link long ol giaman websaet, o ol pipol we oli stap yusum ol nogud mo rabis lanwis.
  • Ol pikinini maet oli tingse i oraet nomo blong talemaot ol pesenal infomesen o postem ol foto blong olgeta.

Bloging we i sef

  • Sipos yu wantem blog blong yu i kam pablik, givimoat wanem nomo we yu wantem evriwan long Intenet blong save. Be i gud blong kipim blog blong yu hem i praevet
  • Wanwan taem i gud blong riviu se hu i stap aksesem saet blong yu mo mekem ol jenis sapos i gat nid.
  • Kipim ol ditel we oli talemaot yu long yu mo ol pipol we yu trastem nomo.
  • Yu no postem ol konfidensel infomesen olsem kredit kad namba, paspot ditel o hom adres blong yu we ol narafala man oli save stilim.
  • Yu mas tingting blong yusum wan narafala nem sapos yu wantem kipim identiti blong yu i sikret blong ol pesenal safety blong yu, politikol rison o sekiuriti emplomen.
  • Yu mas keaful long wanem infomesen nao yu wantem putumaot olsem adres blong yu, skul, ples blong wok mo betdei.
  • Yu mas keaful long ol foto we yu postem from ol foto ia oli save talemaot sam samting abaot yu we i praevet.
  • Yu mas keaful long ol filing we yu serem long blog blong yu we oli praevet.
  • Yu mas save tu wanem ol fren blong yu oli putum long blog aboat yu, o raetem ol komen long blog blong yu long saed long ol pesenal ditel mo ol aktiviti blong yu.
  • Yu mas keaful taem yu mitim wan man we yu jes save hem long bloging.
  • Mekem sua se ol pikinini oli save ol denja blong bloging long wan grup we i pablik.
  • Sipos yu yu niu long bloging, yu keaful taem yu statem. Yu mas save gud ol fija blong sofwe yu stap yusum mo olsem wanem wan bloging komuniti (       ) i wok, mo tu olsem wanem oli filterem ol komen.
  • Yu no postem wan samting we afta bae i mekem yu sem o yu harem nogud.