English

Ol Infomesen Risk Asesmen

Long eni pat blong bisnesk hem i no posibol blong yu sef long ol risk sapos yu no save se oli olsem wanem. From hemia, blong gat wan infomesen sekuriti strateji, yu mas pripea blong karemaot wan infomesen risk asesmen blong mekem se oganaesesen blong yu i awe long ol risk hem i stap fesem. Hemia bae i mekem yu manejem ol risk ia long wan lojikol, efisien mo kost efektiv wei.

I tru se ol infomsesen aset oli defren long valiu blong olgeta stat long ol bisnes we oli kritikal i go kasem ol olgeta we oli smol, mo wan risk asesmen oli bin disaenem blong soem ol defrens bitwin long tufala.

Asesmen kraeteria

Asesem ol infomesen aset we i stap long oganaesesne long trifala kraeteria ia:

  • Konfidensialiti

Konfidensialiti blong ol infomesen olsem HR o peirol rekod, ol fainaenansial akaon, kastoma data mo intelektual propeti. Eksampol, sapos ol emploi o ol kastoma pesonal ditel oli bin setelem, hemia hem i save kosem wan brij blong data proteksen regulesen.

  • Integriti

Integriti blong infomesen hem i mas akuret mo i stap blong manteinen ol ki fangsen blong oganaesen ia, olsem disaen mo manufakturing data, task-spesifik helt & sefti infomesen o fainansial ripoting long wan keis blong wan listed kampani. Eksam, sapos wan kompiteta o wan angri emploi tufala i aksesem data mo jenisim data is, bae i gat bigfala impak.

  • Availabiliti

Availabiliti blong wan infomesen taem oli wantem, olsem emploi taem sit long en blong manis, o prodaksen laen opereting data long ol wikdei long 8.00am i go long 6.00, long 50 wik long wan yia.  Sapos ol data ia oli no availebol long ol taem ia, bae i kritikol. Eksampol, sapos oli no save aksesem ol taem sit rikod, bae oli no save pem ol emploi.

Akronim ‘CIA’ i mekem ol kraeteria ia oli isi blong rikol.

Taem yu stap aksesem infomesen, yu mekem wan valiu jajmen long ol risk we oli kamap long infomesen we oli setelem long saed long CIA kraeteria, mo level blong ol konsekwens.

Bisnes impak analisis

Long ol asesmen blong ol infomesen aset blong yu, bae yu gat sam lukluk blong prodiusim wan bisnes impak analisis, we bae i soem ol risk mo ol konsekwens, weta oli fanansial, yuman, logistikal o reputesen blong bisnes.

Taem yu mekem hemia finis bae yu save manejem ol risks long wan wei is stret long oganaesesen blong yu olsem yu stap selektem mo jastifaem ol gudfala kaontamesa olsem pat blong infomesen sekuriti stratiji blong yu.  Hemia bae i inkludum analisis blong kost blong kaontamesa o aksen we bae yu tekem blong katemdaon tret we maet i semak long impak blong tret. Blong gat ol gudfala plan i stap i no save garanti se wan anotoraesed pati – we oli gat strong tingting tumas- bae oli no save gat sakses blong aksesem infomesen we oli interest long hem.

Be i tru, maet i nogat ol kaontamesa we oli rigadem olsem oli nesesari blong sefgadem long samfala risk, be i gud blong gat sam nolej long ol konsekwens.

Ol Infomesen risk asesmen, oli sud karemaot oltaem long  ol regula period long ol patikula taem, o blong reflektem ol jenis long ol taep blong infomesen we oli holem, bisnes strakja mo long ol tret we oli stap divelop

 

 

Luk tu...