English

Data Inkripsen

Sapos ol narafala man o ol narafala oganaesesen oli save aksesem ol konfidensel data mo komunikesen (eksampol ol imel) we oli nogat otoriti blong luk olgeta, bae konsekwens blong hem i nogud olgeta mo i save kosem damej olsem …frod, identiti teft, ol wok blong spae mo no folem ol rul blong protektem ol data oli ol eksampol we oli hapen oltaem. Sapos bisnes blong yu i gat ol konfidensel data mo/i stap sendem mo risivim ol konfidensel imel, yu sud tingting long inkripsen olsem wan wei blong protektem olgeta long ol man we oli nogat otoroti blong aksesem.

Inkripsen i wok olsem wanem

I gat namba blong ol inkripsen metod mo ol tul we oli stap, evriwan oli yusum wan inkripsen mo dikripsen ki we klosap tufala i join long tufalal. Infomesen we oli wantem blong inkriptem oli enkodem yusum wan algoritim (wan mats fomula), blong mekem se ol narafala man we oli nogat raet long infomesen ia oli no save andanstanem.

Inkripsen mo dikripsen oli tekem ples taem yu yusum wan sofwe we oli save lodem long kompiuta, long ples we ol fael oli stap mo ol imel oli stap go mo kam- o long inkripsen ki we i stap wetem data. Wei mo level blong inkripsen we oli jusum hem i beis long strong/paoa blong data we hem i stap. Olsem wan rul taem oli yusum fulap pis blong wam inkripsen bae i kam strong mao, from hemia 128-bit inkripsen hem i strong moa bitim 64-bit.

Ol inkripsen tekniks oli save yusum tu blong verifaem sos blong wan imel mo sapos kontent blong hem i stret mo i tru

Inkripsen tu oli yusum long bisnes websaed mo long ol waeles nekwoking sekuriti mo ol rimot akses, blong stopem ol man oli spae mo stilim wok mo fulum man.

Jusum  inkripsen

Taem yu yusum inkripsen sofwe hem i spid mo i klia. Be implimentesen blong inkripsen sofwe ia, hem i teknikol lelebet mo hemia hem i dipen long IT infrastrakja mo sofwe blong yu. Yu mas tekem kea blong jusum inkripsen sofwe blong yu from i mas stret gud wetem spesifik nid mo level blong risk. Yu save konsaltem wan nambatri pati IT sapot provaeda o sekuriti speselist.

Luk tu...